Convocatoria de axudas para alumnos/as con necesidade específica de apoio educativo para o curso 2021 - 2022

1. Prazo e lugar de presentación da solicitude:

O prazo para presentar a solicitude abrangue ata o 30 de setembro de 2021, inclusive.

As solicitudes realizaranse de xeito telemático (enlace abaixo). Unha vez cumprimentada a solicitude, se o solicitante dispón de calquera dos sistemas de firma aceptados pola sede electrónica, poderase completar o proceso de presentación da solicitude acompañando a documentación que sea requirida pola aplicación en formato pdf.

No caso de que o solicitante non dispoña de sistema de firma aceptado pola sede electrónica, unha vez completada a solicitude telemática, deberá imprimir o modelo de solicitude en ficheiro pdf e presentalo coa súa firma e a dos demáis membros computables da unidade familiar no centro educativo no que realice os estudos no curso 2021 - 2022.

Enlace para realizar a solicitude 

2. Destinatarios:

Alumnado que requira por un período da súa escolarización ou ao longo de toda ela, determinados apoios e atencións educativas específicas derivadas de discapacidade, de trastornos graves de conduta ou de trastornos graves da comunicación e da linguaxe asociados a necesidades educativas especiais, así como alumnado con necesidade específica de apoio educativo asociado a TEA, a TDAH ou a altas capacidades intelectuais e que esté escolarizado en niveis académicos non universitarios no curso 2021 - 2022.

 

3. Requisitos:

• Ter cumpridos dous anos de idade a 31 de decembro de 2020.
• Estar escolarizado nun centro educativo na data de terminación do prazo de presentación de solicitudes.
  
• Acreditar a necesidade específica de apoio educativo mediante certificado de discapacidade, se é o caso, certificado do departamento de orientación do centro educativo, certificado médico nalgúns casos... Enlace aos requisitos específicos segundo a causa da necesidade. 
• Requisitos de carácter económico para tódolos solicitantes (Consultar aquí)

4. Cuantía da axuda:

Compoñentes:

Axuda de ensinanza: ata 862 euros

Axuda ou subsidio de transporte interurbano: ata 617 euros

Axuda ou subsidio de comedor escolar: ata 574 euros

Axuda de residencia escolar: ata 1795 euros

Axuda para transporte de fin de semana: ata 442 euros

Axuda para transporte urbán: ata 308 euros

Axuda para material escolar: ata 204 euros

Axuda para reeducación pedagóxica: ata 913 euros

Axuda para reeducación da linguaxe: ata 913 euros

Axuda para programas específicos para alumnado con altas capacidades: ata 913 euros

Non se concederán as axudas cando os gastos estén cubertos por servizos ou fondos públicos ou por axudas concedidas aos centros para financiar o correspondente servizo.

Máis información sobre as cuantías no enlace anterior, sobre os requisitos de carácter económico.

Máis información neste enlace

Acceso ao extracto da convocatoria publicado no BOE premendo na imaxe:

 

 

Convocatoria de bolsas de carácter xeral para cursar estudos postobrigatorios no curso 2021 - 2022

 1. Prazo e lugar de presentación da solicitude:

Os prazos para presentar a solicitude abranguerán ata:

• O 14 de Outubro de 2021, inclusive, para os estudantes universitarios.
• O 30 de Setembro de 2021, inclusive, para os estudantes non universitarios. 
  

 

A solicitude realizarase de xeito telemático:

 

Enlace para realizar a solicitude

2. Destinatarios:

Alumnado matriculado nalgunha das seguintes ensinanzas:

• Bacharelato.
• Ciclos Formativos de Grao Básico.
  
• Formación Profesional de Grao Medio e Superior en calquera das súas modalidades.
• Ensinanzas Artísticas Profesionais e Superiores.
• Ensinanzas Deportivas.
• Estudos Relixiosos Superiores.
• Ensinanzas de Idiomas realizadas en Escolas Oficiais de titularidade pública, incluída a modalidade a distancia.
• Cursos de acceso e cursos de preparación para as probas de acceso á FP e cursos de formación específica para o acceso aos Ciclos Formativos de Grao Medio e Superior impartidos en centros públicos e privados concertados que teñan autorizadas ensinanzas de FP.
• Ensinanzas Universitarias (Graos, Máster e Complementos de Formación).
• Cursos de preparación para o acceso á universidade de maiores de 25 anos impartidos por universidades públicas.

3. Requisitos:

• Non estar en posesión ou non reunir os requisitos legais para obter un título do mesmo ou superior nivel ao correspondente dos estudos para os que se solicita a beca.
• Cumprir os requisitos económicos legalmente establecidos (consultar aquí).
• Estar matriculado nalgunha das ensinanzas do sistema educativo español enumeradas anteriormente.
  
• Ser español ou posuír a nacionalidade dun Estado membro da Unión Europea. No  caso de cidadáns da Unión Europea ou dos seus familiares deberán ter a condición de residentes permanentes ou que acrediten ser traballadores por conta propia ou allea. No caso de estranxeiros non comunitarios deberán ser menores de idade ou ter a residencia legal en España desde o 31 de decembro de 2020.
• Cumprir determinados requisitos académicos (consultar aquí)
  

4. Cuantía da bolsa:

Os diferentes conceptos da cuantía da bolsa que se poderán percibir son os seguintes (hai que ter en conta que segundo as condicións particulares de cada solicitante poderase percibir a cuantía dalgúns conceptos e non doutros):

• Cuantía fixa ligada á renda do solicitante: 1.700 euros.
• Cuantía fixa ligada á residencia do solicitante durante o curso: 1.600 euros.
• Beca básica para estudantes non universitarios: 300 euros.
• Cuantía fixa ligada á excelencia no rendemento académico: entre 50 e 125 euros.
• Cuantía variable: o importe mínimo son 60 euros e o máximo depende da resolución total do conxunto da bolsas. Para solicitantes que non superen determinados topes da renda familiar.
• Beca de matrícula para estudantes universitarios: comprenderá o precio público oficial dos créditos nos que o estudante se matriculase por primeira vez no curso 2021 - 2022.

Máis información neste enlace

Acceso ao extracto da convocatoria publicado no BOE premendo na imaxe:

Calendario de acceso e admisión para o curso 2021 - 2022 ás ensinanzas de Formación Profesional Básica

Prazo de presentación da solicitude de admisión: desde o día 1 de setembro ata as 13:00 horas do día 10 de setembro.

Será necesario presentar a seguinte documentación no centro educativo no que se pretenda ser admitido:

• Solicitude de admisión
• DNI en caso de non dar o consentimento para a comprobación de datos.
• Comunicación de incorporación á FP básica do centro de procedencia do/a alumnno/a.
• Consentimento de incorporación á FP básica asinado polo/a pai/nai do/a alumno/a en caso de menores de idade.
• Consello orientador do centro educativo de procedencia do/a alumno/a.
• Certificado de discapacidade, no caso de participar no proceso de admisión pola reserva para persoas con discapacidade.
  

Enlace á documentación necesaria

Os centros educativos farán pública a listaxe do alumnado admitido e non admitido en cada ciclo formativo o día 15 de setembro.

 

O alumnado admitido deberá formalizar a matrícula no centro educativo desde o día 15 ao día 22 de setembro.

Prema na imaxe para acceder á oferta de ciclos de Formación Profesional Básica en Galicia:

Preinscrición, admisión e matrícula nas Escolas Oficiais de Idiomas de Galicia no curso 2021 - 2022

Prazo de preinscrición.

As preinscricións realizaranse desde o 1 ao 14 de setembro. Todas as preinscricións deberán formalizarse obrigatoriamente en liña a través do acceso https://www.eoidigital.com/preinsxunta/alumnos/index.php e de acordo coas instrucións que figuran no anexo II da resolución (acceso á mesma premendo na imaxe).

Período de matrícula ordinaria:

Do 1 ao 9 de xullo, segundo as instrucións de cada escola, para o alumnado oficial do curso 2020/21 que desexe continuar os estudos no mesmo idioma e escola no curso 2021/22 e supere todas as actividades de lingua na convocatoria ordinaria.

Período de matrícula extraordinaria:

Do 9 ao 30 de setembro, segundo as instrucións de cada escola, tendo en conta a data do sorteo do alumnado preinscrito e que o alumnado oficial coa cualificación de apto/a, non apto/a ou non presentado/a na convocatoria extraordinaria deberá matricularse entre o 9 e o 16 de setembro.

Máis información sobre condicións e tipos de acceso, tipoloxía da oferta educativa, procedemento de inscrición e matriculación en liña, etc premendo na imaxe:

 

 

Como solicitar ciclos medios e superiores de Formación Profesional

    A solicitude para primeiros cursos de ciclos de FP tanto en réxime ordinario como modular (de adultos) é preciso realizala vía online a través da plataforma da Consellería destinada a tal efecto: aquí tedes a ligazón: ciclosadmision.  A continuación deíxovos un tutorial sobre o uso da mesma. Recomendo o visionado porque aclara o seu emprego adecuado.

 

    Ademáis estas instrucións poden facilitar a elaboración da solicitude (premer na palabra instrucións para acceder a elas).

    As solicitudes deberán realizarse entre o 25 de xuño e o 5 de xullo ata as 13:00 horas. 

   O día 20 de xullo sairá a primeira adxudicación de prazas. No caso de que sexa adxudicada a praza na primeira preferencia incluída na solicitude de admisión, será necesario formalizar a matrícula no primeiro prazo de matriculación: do 20 ao 26 de xullo ás 13:00 horas no centro correspondente ou ben de xeito online a través da plataforma de admisión. No caso de que a praza adxudicada fora unha segunda ou posterior opción de preferencia da solicitude, pódese renunciar á praza adxudicada ou matricularse nela. Ante a renuncia, quedaría en listaxe de espera para as opcións de maior preferencia aínda que implica o risco de non ser admitido en ningunha (ver datas de segunda adxudicación e da primeira adxudicación de setembro no calendario de admisión premendo na imaxe). 

 

  Toda a información relativa a listaxes de solicitantes, adxudicacións, listaxes de espera,etc. poderá consultarse na seguinte ligazón: http://www.edu.xunta.gal/fp/admision-curso-2021-2022

  Cómpre recordar que a admisión á FP dual ten certas diferencias, achego ás instrucións propias desta modalidade nesta ligazón.

Oferta de Ciclos de Formación Profesional e Cursos de Especialización para o vindeiro 2021 - 2022

 A continuación, os enlaces á oferta de ciclos de FP tanto de grao básico como medio e superior nos réximes: ordinario, modular presencial, modular a distancia e dual así como os cursos de especialización. Inclúese tamén a oferta de programas formativos para alumnado con necesidades educativas especiais:

Réxime ordinario

Réxime modular presencial

Réxime modular a distancia

Réxime dual

Cursos de especialización 

Programas formativos 

Período de solicitude: do 25 de xuño ao 5 de xullo ás 13:00 horas, salvo o réxime dual que abrangue do 25 de xuño ao 2 de xullo ás 13:00 horas e os programas formativos, que precisan a derivación do EOE.

Procedemento de avaliación, recoñecemento e acreditación das competencias profesionais adquiridas a través da experiencia laboral ou vías non formais de formación

Este procedemento consiste no recoñecemento dunha ou varias unidades de competencia recollidas nas diferentes cualificacións profesionais a través das fases de asesoramento, avaliación e acreditación das competencias profesionais.

A partires de agora este procedemento estará aberto permanentemente, sendo posible solicitar a participación no mesmo en calquera momento.

Requisitos para a participación:

1. Posuír a nacionalidade española, atoparse incluído como persoa residente comunitaria ou familiar deste ou ser titular dunha autorización de residencia en España en vigor.

2. Ter 18 anos, para as unidades de competencia de nivel 1, e 20 anos para as de nivel 2 e 3.

3. Ter experiencia laboral e/ou formación non formal relacionada coas competencias acreditables.

a. Experiencia laboral.

i. Unidades Competencia de nivel 2 e 3. Xustificaranse polo menos tres anos, cun mínimo de 2.000 horas traballadas en total, nos últimos 15 anos.

ii. Unidades Competencia de nivel 1. Xustificaranse polo menos dous anos, cun mínimo de 1.200 horas traballadas en total, nos últimos 15 anos.

b. Formación non formal.

i. Unidades Competencia de nivel 2 e 3. Xustificaranse polo menos 300 horas, nos últimos 10 anos.

ii. Unidades Competencia de nivel 1. Xustificaranse polo menos 200 horas nos últimos 10 anos.

4. As persoas candidatas non poderán estar matriculadas nun ciclo de formación profesional ou realizando formación profesional para o emprego, conducente á acreditación das unidades de competencia nas cales solicita a súa inscrición. Tampouco poderán posuír ou estar en condicións de obter un título de formación profesional ou un certificado de profesionalidade que conteña a/s unidade/s de competencia que solicita, nin as súas equivalentes ou a acreditación parcial das unidades de competencia que solicita. Ademais, non poderán estar inscritas noutro procedemento de recoñecemento da experiencia profesional, ou nas probas libres para a obtención do título de formación profesional, levado a cabo por calquera Administración ou organismo público, conducente á acreditación das mesmas unidades de competencia que solicita.

Como facer a solicitude:

A solicitude de participación deberá presentarse obrigatoriamente por vía electrónica cubrindo previamente os datos no sistema de información acreditación, desde onde deberá xerarse o formulario normalizado que se presentará necesariamente na sede electrónica da Xunta de Galicia.

Para a presentación das solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365.

Máis información premendo na imaxe (extraída de trazosdigital.com):