Convocadas as probas para a obtención do título de bacharel para maiores de 20 anos

DESTINATARIOS:

 

a) Ser maior de 20 anos ou cumprir esa idade no ano 2024. 

 

b) Non estar en posesión do título de bacharel ou de calquera outro título declarado equivalente para efectos académicos.

 

c) Non estar a cursar ensinanzas de bacharelato en ningunha das súas modalidades ou réximes nin ter estado matriculado nesas ensinanzas no curso escolar 2023/24

 

PRAZOS E FORMAS DE MATRÍCULA:

 

 O período de inscrición na proba estará comprendido entre o 15 e o 22 de febreiro de 2024. As persoas aspirantes poderán inscribirse nos dous exercicios que integran a proba ou dun deles. As solicitudes de inscrición deberán presentarse en soporte papel nos centros educativos que se especifican a continuación ou por calquera dos medios legais establecidos, utilizando o formulario normalizado que figura dispoñible na sede electrónica da Xunta de Galicia no seguinte enlace: https://sede.xunta.gal 

 

    Os centros son os seguintes:

 

a) EPAPU Eduardo Pondal, rúa da Educación, 3-2º andar, 15003 A Coruña.
b) IES San Clemente, rúa San Clemente, s/n, 15705 Santiago de Compostela.
c) EPAPU Albeiros, parque da Milagrosa, s/n, 27003 Lugo.
d) EPAPU de Ourense, rúa Álvarez de Sotomayor, 4, 32002 Ourense.
e) EPAPU Río Lérez, avenida de Buenos Aires, 26, 36002 Pontevedra.
f) EPAPU Berbés, rúa Marqués de Valterra, 8-1º, 36202 Vigo.

 

DATA DE CELEBRACIÓN DA PROBA:

 

    A proba celebrarase en Santiago de Compostela o día 26 de abril de 2024 no IES San Clemente, rúa San Clemente, s/n, 15705 Santiago de Compostela.

 

PARTES DA PROBA:

 

1. O primeiro exercicio será común ás distintas modalidades. 

2. O segundo exercicio terá un carácter diferenciado en función da modalidade e itinerarios escollidos. 

 

 

Máis información como por exemplo outra documentación a presentar ou as especificacións dos diferentes exercicios da proba, premendo na imaxe:

 

 

Convocatoria 2024: probas libres para a obtención do título de graduado en Educación Secundaria Obrigatoria para maiores de 18 anos

  DESTINATARIOS:

1. Ter cumpridos os dezaoito anos ou cumprilos no ano 2024. 

2. Non estaren en posesión do título de graduado en educación secundaria obrigatoria nin de outro título considerado equivalente. 

3. Non estaren nin teren estado matriculadas no curso 2023/24 nas ensinanzas de educación secundaria ordinaria nin nas de formación profesional básica.

4. O alumnado matriculado durante o curso 2023/24 na educación secundaria para persoas adultas poderá inscribirse nas probas se previamente solicita baixa nas devanditas ensinanzas nos termos establecidos na convocatoria (acceso á mesma premendo  na imaxe).

PRAZOS E FORMAS DE MATRÍCULA:

 –Convocatoria de abril: 5 ao 21 de febreiro de 2024, ambos os dous incluídos.

 –Convocatoria de xuño: 8 ao 19 de abril, ambos os dous incluídos.

As persoas matriculadas para a primeira convocatoria, se non superan a totalidade dos ámbitos da proba, consideraranse matriculadas para a segunda convocatoria sen que teñan que presentar nova documentación. 

As solicitudes de inscrición deberán presentarse en soporte papel nos centros educativos que se especifican no artículo 8 da convocatoria (acceso premendo na imaxe) ou por calquera dos medios legais establecidos, utilizando o formulario normalizado que figura como anexo I dispoñible na sede electrónica da Xunta de Galicia https://sede.xunta.gal/

 

DATAS DE CELEBRACIÓN DAS PROBAS:

As probas celebraranse en sesións de mañá e tarde os días 12 de abril e 7 de maio de 2024 para as respectivas convocatorias. 

 

PARTES DA PROBA:

Proba do ámbito científico-tecnolóxico: materias de Matemáticas, Bioloxía e Xeoloxía, Física e Química e Tecnoloxía, Tecnoloxías da comunicación e da información así como aspectos relacionados coa saúde e o medio natural recollidos no currículo de Educación física.

Proba do ámbito social: materias de Xeografía e Historia, Economía, Iniciación a Actividade Emprendedora e empresarial e aspectos perceptivos correspondentes ás materias de Educación plástica e visual, e Música. 

Proba do ámbito da comunicación: materias de Lingua galega e literatura, Lingua castelá e literatura, Lingua estranxeira (inglés ou francés).

 

Probas de acceso a FP de grao medio e superior 2024

 CICLOS DE GRAO MEDIO

Para poder concorrer á proba é necesario ter cumpridos dezasete anos ou cumprilos no ano natural de celebración da mesma e non cumprir os requisitos académicos de acceso aos ciclos de grao medio.

ESTRUTURA DA PROBA

• Sociolingüística: exames de Lingua castelá, Lingua galega, Ciencias sociais.
• Matemática: exame de Matemáticas.
• Científico-técnica: exames de Ciencias da natureza e Tecnoloxía.
  

DATAS DE PRESENTACIÓN DE SOLICITUDES: do 26 de febreiro ao 8 de marzo de 2024 (ambos inclusive)

DATA DE REALIZACIÓN DA PROBA: 23 de maio de 2024

LUGARES DE REALIZACIÓN DAS PROBAS: dependerá do lugar no que se presenta a solicitude

CICLOS DE GRAO SUPERIOR

Para poder concorrer á proba é necesario ter cumpridos dezanove anos ou cumprilos no ano natural de celebración da proba e non cumprir os requisitos de acceso aos ciclos de grao superior.

ESTRUTURA DA PROBA 

• Parte común: abrangue tres probas: Lingua Galega, Lingua Castelá e Matemáticas.

• Parte específica: organízase en tres opcións (cada unha das cales da acceso a diferentes ciclos de grao superior, polo que é importante decidir a que ciclos se quere acceder para realizar unha das opcións ou outra):

• Opción A (a escoller dúas): Economía da empresa, Lingua estranxeira (inglés ou francés) e Filosofía.
• Opción B (a escoller dúas): Debuxo técnico, Tecnoloxía industrial e Física.
• Opción C (a escoller dúas): Ciencias da terra e ambientais, Química e Bioloxía.

DATAS DE PRESENTACIÓN DE SOLICITUDES: do 29 de xaneiro ao 9 de febreiro de 2024 (ambos inclusive)

DATA DE REALIZACIÓN DA PROBA: 18 de abril de 2024

 INFORMACIÓN XERAL:

Materiais das probas de acceso:

Na web www.edu.xunta.es/fp no apartado de probas podedes atopar materiais didácticos así como exames de convocatorias anteriores que vos poden axudar a preparación do exame.

Lugar de presentación de solicitudes:

As solicitudes presentaranse preferiblemente por vía electrónica a través do formulario normalizado de solicitude, dispoñible na aplicación informática «Ciclosprobas». Para a presentación das solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal).  

En caso de non dispoñer de ningún dos citados mecanismos de identificación os solicitantes empregarán a opción "outros accesos" que facilita a aplicación e poderán inscribirse empregando o DNI/NIE e un enderezo electrónico. As solicitudes poderanse tamén presentar impresas, logo de cumplimentalas na devandita aplicación informática, en calquera centro público dependente da Consellería de Cultura, Educación e Ordenación Universitaria con oferta de Formación Profesional.

Prema na imaxe para acceder á convocatoria, na que atoparás máis información como posibles exencións, probas adaptadas en caso de discapacidade, TDAH, documentación a presentar...: