ACCESO A FP DUAL CURSO 2022 - 2023.

A consellería publica os prazos do proceso de admisión para o curso 2022 - 2023 aos ciclos formativos de Formación Profesional de FP dual así como a súa oferta.

Para solicitar algún ciclo de FP Dual deberase cubrir unha solicitude para un único proxecto de FP dual, utilizando o asistente informático (soamente activo durante o período de admisión) así como o currículo en formato europass (enlace para facelo) e o DNI, NIE ou pasaporte. A aplicación avisará no caso de que sexa necesario achegar documentación, que poderá engadirse en soporte electrónico. Non será necesario presentar o resgardo da solicitude nin a documentación nun centro, agás que a aplicación indique que para ser unha solicitude válida terá que ser entregada, xunto coa documentación necesaria, nun centro educativo con oferta de FP dual sostida con fondos públicos, para ser selada, datada e validada.

As persoas admitidas nun proxecto de FP dual quedarán excluídas, e non serán adxudicadas, no proceso de admisión a ciclos formativos no réxime ordinario ou no réxime para as persoas adultas en caso de teren presentada solicitude nestas modalidades. No caso de non seren admitidas en ningún proxecto de FP dual continuarán no proceso de admisión a ciclos formativos nas outras modalidades.

Oferta de ciclos de fp dual

Máis información premendo na imaxe:

 

 

Como solicitar ciclos medios e superiores de Formación Profesional así como cursos de especialización. Curso 2022-2023.

 A solicitude para primeiros cursos de ciclos de FP tanto en réxime ordinario como modular (de adultos) e para os cursos de especialización é preciso realizala vía online a través da plataforma da Consellería destinada a tal efecto: aquí tedes a ligazón: ciclosadmision.  A continuación deíxovos un tutorial sobre o uso da mesma. Recomendo o visionado porque aclara o seu emprego adecuado.

    As solicitudes deberán realizarse entre o 23 de xuño e o 5 de xullo ata as 13:00 horas. A continuación o resto do calendario de admisión:

 

  O día 19 de xullo sairá a primeira adxudicación de prazas. No caso dos ciclos de grao medio e superior se é adxudicada a praza na primeira preferencia incluída na solicitude de admisión, será necesario formalizar a matrícula no primeiro prazo de matriculación: do 19 ao 22 de xullo ás 13:00 horas no centro correspondente ou ben de xeito online a través da plataforma de admisión. No caso de que a praza adxudicada fora unha segunda ou posterior opción de preferencia da solicitude, pódese renunciar á praza adxudicada ou matricularse nela. Ante a renuncia, quedaría en listaxe de espera para as opcións de maior preferencia aínda que implica o risco de non ser admitido en ningunha (ver datas de segunda adxudicación e da primeira adxudicación de setembro no calendario de admisión premendo na imaxe). 

  Toda a información relativa a listaxes de solicitantes, adxudicacións, listaxes de espera,etc. poderá consultarse na seguinte ligazón