Oferta Formación Profesional en Galicia para o curso 2026 - 2027

Formación Profesional Ordinaria

 

Formación Profesional Modular Presencial

Formación Profesional Modular Semipresencial e A Distancia 

Formación Profesional Dual Intensiva 

 

Formación Profesional Acelerada 

Cursos de Especialización 

Programas Formativos de Formación Profesional 

 

Calendarios de admisión en Formación Profesional para o curso 2026 - 2027

 A continuación expóñense as táboas cos diferentes calendarios de admisión en función do tipo de oferta:

 

 

 

Máis información aquí

Convocatoria de axudas para alumnos/as con necesidade específica de apoio educativo para o curso 2026 - 2027

1. Destinatarios:

a) Alumnado con discapacidade igual ou superior ao 25%.

b) Alumnado con trastorno grave de conduta 

c) Alumnado con trastorno grave da comunicación ou da linguaxe 

d) Alumnado con trastorno do espectro autista. 

e) Alumnado con TDAH (ligado a discapacidade, trastorno grave de conduta ou trastorno grave da comunicación e da linguaxe)

f) Alumnado con altas capacidades

O dereito ás axudas dependen dos ingresos familiares e do número de persoas computables na unidade familiar (ver detalles no enlace inferior)

2. Cando debes solicitala:

Do 19 de maio ao 10 de setembro de 2026

 

3. Cuantía da axuda:

Compoñentes:

Axuda de ensinanza: ata 862 euros

Axuda ou subsidio de transporte interurbano: ata 617 euros

Axuda ou subsidio de comedor escolar: ata 574 euros

Axuda de residencia escolar: ata 1795 euros

Axuda para transporte de fin de semana para alumnado interno en centros de educación especial: ata 442 euros

Axuda para transporte urbán: ata 308 euros

Axuda para material escolar: ata 204 euros

Axuda para reeducación pedagóxica ou da linguaxe: ata 913 euros

Cuantía asociada a altas capacidades: cantidade máxima de 913 euros

Subsidio de cuantía fixa para gastos adicionais de carácter xeral: 400 euros

 

Non se concederán as axudas cando os gastos estén cubertos por servizos ou fondos públicos ou por axudas concedidas aos centros para financiar o correspondente servizo

 

 

4. Como solicitala e máis información:
 

Enlace á información completa

 

Enlace á solicitude

 

 
Acceso ao extracto da convocatoria publicado no BOE premendo na imaxe:

 

Convocadas as probas de acceso ás ensinanzas deportivas para o curso 2026 - 2027

Prazo e lugar de presentación de solicitudes: ata o 15 de maio ou 25 de xuño do 2025 segundo a proba a realizar e nos centros que se relacionan a continuación: 

 

  Prema na imaxe para obter información sobre modalidades de acceso, requisitos, documentación que debe acompañar á solicitude, exencións, datas das probas e outros aspectos importantes do desenvolvemento do acceso a estas ensinanzas.

 

Acceso e admisión ás ensinanzas artísticas superiores para o curso 2026 - 2027

Tipos de ensinanzas artísticas superiores:

1.     Ensinanzas artísticas superiores de Arte Dramática
2.     Ensinanzas artísticas superiores de Conservación e Restauración de Bens Culturais
3.     Ensinanzas artísticas superiores de Deseño.
4.     Ensiananzas artísticas superiores de Música.

Requisitos comúns das persoas aspirantes:

1. Estar en posesión dalgún dos seguintes títulos: título de bacharel, título de ensinanzas artísticas superiores, título de técnico superior ou título universitario. Tamén é posible o acceso tendo superada a proba de acceso á universidade para maiores de 25 anos. Malia o anterior, as persoas maiores de 18 anos (de 16 para estudos superiores de música) que non conten con ningún dos requisitos de titulación poderán solicitar igualmente o acceso se superan unha proba de coñecementos. 
2. Así mesmo é preciso superar unha proba específica de acceso ás ensinanzas artísticas superiores. No artigo 2.5 da convocatoria (premer imaxe inferior) establécense exencións para a realización desta proba.
   

Datas, lugar e forma de presentación das solicitudes: 

Prazo: dende o 28 de abril ata a data límite segundo modalidade (ver anexos da convocatoria)

As solicitudes deberán realizarse de xeito telemático cubrindo o formulario dispoñible en www.edu.xunta.es/eas/, e empregando o certificado dixital ou Chave 365, non obstante as persoas solicitantes que non posúan nacionalidade española e non dispoñan de DNI ou NIE deberán acceder ao formulario de inscición directamente nas secretarías dos centros.

As persoas aspirantes que obteñan praza deberán formalizar a súa matrícula nos prazos indicados na convocatoria.

Máis Información sobre requisitos, prazos, documentación necesaria, datas de probas específicas, etc. premendo na imaxe para acceder á convocatoria:

 

Bolsas e axudas de carácter xeral do Ministerio de Educación e Formación Profesional para alumnado de niveis postobrigatorios

1. Prazo e lugar de presentación da solicitude:

Os prazos para presentar a solicitude abranguerán do 7 de abril ao 18 de maio ás 15:00

 

 

2. Como realizar a solicitude?:

 

A solicitude realizarase de xeito telemático no seguinte enlace:

Enlace para realizar a solicitude

 

3. Destinatarios:

Alumnado matriculado nalgunha das seguintes ensinanzas:

• Bacharelato
• Formación Profesional de grao básico, medio e superior en calquera das suas modalidades
• Ensinanzas Artísticas Profesionais 
• Ensinanzas Deportivas
• Estudos Relixiosos Superiores
• Ensinanzas de Idiomas realizadas en Escolas Oficiais de titularidade pública, incluída a modalidade a distancia.
• Cursos de acceso e cursos de preparación para as probas de acceso á FP e cursos de formación específica para o acceso aos Ciclos Formativos de Grao Medio e Superior impartidos en centros públicos e privados concertados que teñan autorizadas ensinanzas de FP.
• Cursos de acceso á universidade para maiores de 25 anos impartidos por universidades públicas.
  
• Ensinanzas Universitarias (Graos, Máster)
• Ensinanzas Artísticas Superiores
  

4. Requisitos:

• Non estar en posesión dun título do mesmo ou superior nivel ao correspondente dos estudos para os que se solicita a beca.
• Estar matriculado nalgunha das ensinanzas do sistema educativo español enumeradas anteriormente.
• Non estar repetindo no curso actual.
• Cumprir algúns requisitos académicos específicos do curso. Ver información nos seguintes enlaces:
• Para solicitar beca para cursar estudos non universitarios: enlace 
• Para solicitar beca para cursar estudos universitarios: enlace   
•  Cumprir os requisitos económicos establecidos (consultar a información nos enlaces anteriores).
• Ser español ou posuír a nacionalidade dun Estado membro da Unión Europea. No  caso de cidadáns da Unión Europea ou dos seus familiares deberán ter a condición de residentes permanentes ou que acrediten ser traballadores por conta propia ou allea. No caso de estranxeiros non comunitarios deberán ter a residencia legal en España a 31 de decembro de 2025 (non é suficiente ter concedida a autorización de estancia).

5. Cuantía da bolsa:

Os diferentes conceptos da cuantía da bolsa que se poderán percibir son os seguintes (hai que ter en conta que segundo as condicións particulares de cada solicitante poderase percibir a cuantía dalgúns conceptos e non doutros):

• Cuantía fixa básica: 300 euros ou 350 no caso de graos básicos de FP. No caso de estudos universitarios bolsa de matrícula, dependerá da cuantía da matrícula
• Cuantía fixa ligada á renda do solicitante: 1.700 euros.(é incompatible coa cuantía fixa básica)
• Cuantía fixa ligada á cambio de residencia do solicitante durante o curso: 2.700 euros.
• Cuantía fixa ligada á excelencia no rendemento académico: entre 50 e 125 euros.
• Cuantía variable: o importe mínimo son 60 euros e o máximo depende da resolución total do conxunto da bolsas.  

Máis información neste enlace

Diferentes vídeos de axuda premendo aquí

 

INFORMACIÓN IMPORTANTE:

 

Convocadas as probas de acceso a FP de grao medio e superior

 CICLOS DE GRAO MEDIO

Para poder concorrer á proba é necesario ter cumpridos dezasete anos ou cumprilos no ano natural de celebración da mesma e non cumprir os requisitos académicos de acceso aos ciclos de grao medio.

ESTRUTURA DA PROBA

• Sociolingüística: exames de Lingua castelá, Lingua galega, Ciencias sociais.
• Matemática: exame de Matemáticas.
• Científico-técnica: exames de Ciencias da natureza e Tecnoloxía.
  

DATA DE REALIZACIÓN DA PROBA: 21de maio de 2026

 

CICLOS DE GRAO SUPERIOR

Para poder concorrer á proba é necesario ter cumpridos dezanove anos ou cumprilos no ano natural de celebración da proba e non cumprir os requisitos de acceso aos ciclos de grao superior.

ESTRUTURA DA PROBA 

• Parte común: abrangue tres probas: Lingua Galega, Lingua Castelá e Matemáticas.

• Parte específica: organízase en tres opcións (cada unha das cales da acceso a diferentes ciclos de grao superior, polo que é importante decidir a que ciclos se quere acceder para realizar unha das opcións ou outra):

• Opción A (a escoller dúas): Economía da empresa, Lingua estranxeira (inglés ou francés) e Filosofía.
• Opción B (a escoller dúas): Debuxo técnico, Tecnoloxía industrial e Física.
• Opción C (a escoller dúas): Ciencias da terra e ambientais, Química e Bioloxía.

DATA DE REALIZACIÓN DA PROBA: 29 de abril de 2026

 INFORMACIÓN XERAL:

DATAS  E LUGARES DE PRESENTACIÓN DE SOLICITUDES: 

Período de solicitude: do 16 ao 26 de marzo de 2026 (ambos inclusive) 

Como solicitar a participación nas probas?: a solicitude realizarase a través da aplicación ciclosprobas (https://www.edu.xunta.gal/ciclosprobas/PaxinaInicio.do). Posteriormente a presentación da solicitude debe ser ou ben física na secretaría de calquera centro que imparta estudos de FP ou ben por vía electrónica (código de procedemento da sede electrónica da Xunta: ED312C, para os ciclos de grao medio e ED312D, para os de grao superior) empregando calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 

LUGARES DE REALIZACIÓN DAS PROBAS: dependerá do centro no que se presenta a solicitude  

Materiais das probas de acceso:

Na web www.edu.xunta.es/fp no apartado de probas podedes atopar materiais didácticos así como exames de convocatorias anteriores que vos poden axudar a preparación do exame.

Prema na imaxe para acceder á convocatoria, na que atoparás máis información como posibles exencións, probas adaptadas en caso de discapacidade, TDAH, documentación a presentar...: