COMO PRESENTARSE Á ABAU DESDE A FP DE GRAO SUPERIOR

  O alumnado que conte cun título FP de grao superior ou que esté en disposición de acadalo en xuño e desexe matricularse na parte voluntaria da proba de Avaliación do Bacharelato para Acceso á Universidade (ABAU) para subir a nota de acceso á mesma, deberá facelo mediante o procedemento de matrícula anticipada dos días 7 ao 25 de maio.

   Este alumnado pode estar ante tres casos diferentes, vexamos o procedemento a levar a cabo en cada un nas devanditas datas:

1. Ter finalizada a FP en anos anteriores en centros de Galicia: neste caso o alumnado fará a súa matrícula a través da propia aplicación NERTA. Se non tivera os seus datos académicos na mesma, tería que solicitar ao centro de FP no que rematou o ciclo, que faga o traspaso de datos á devandita aplicación. 

2. Ter finalizada a FP e non ter conta de usuario en Nerta nin datos informatizados porque o ciclo de FP foi feito en centros de fora de Galicia:

    Neste caso o alumnado deberá enviar ao LERD correspondente por correo electrónico (datos de contacto premendo na imaxe) a seguinte documentación:

• Fotocopia do DNI ou pasaporte.
• Impreso oficial de matrícula na ABAU debidamente cumprimentado, que poderá baixar da páxina web da CIUG cando se publique.
• Xustificación de ter feito o depósito do título ou resgardo acreditativo de ter avoados os prezos públicos de matrícula ou, no seu caso, documentación que acredite a exención destes.
• Certificación expedida polo centro das cualificacións obtidas.
• Acreditación de ter aboadas as taxas para a expedición do título.

3. Estar en disposición de acadar o título de FP en xuño en centros de Galicia, estando pendente da finalización dos módulos de FCT e Proxecto:

• O centro de FP ten que traspasar o expediente de XADE a NERTA, polo tanto o alumnado debe avisar na secretaría do centro que ten intención de presentarse á ABAU para que fagan o traspaso oportuno.
• O alumnado deberá darse de alta na aplicación Nerta, aplicación a través da cal o alumnado debe matricularse e pode facer o pago das taxas correspondentes, se o pago se fai a través dunha oficina bancaria, debe imprimir o impreso de liquidación, realizar o pagamento correspondente e enviar copia do xustificante de ingreso ao LERD (datos de contacto premendo na imaxe) ou xustificación da exención.
  
• Se non fose posible facelo do xeito anterior, o alumnado deberá enviar por correo electrónico ao LERD correspondente por correo electrónico (datos de contacto premendo na imaxe) a seguinte documentación:
• Fotocopia do DNI ou pasaporte.
• Impreso oficial de matrícula na ABAU debidamente cumprimentado, que poderá baixar da páxina web da CIUG cando se publique.
• Resgardo acreditativo de ter avoados os prezos públicos de matrícula ou, no seu caso, documentación que acredite a exención destes.

 

Taxas de matrícula: 

1. Ordinaria: 63.67
2. Familia numerosa - categoría Xeral: 31,84
3. Familia numerosa - Categoría Especial, peroas con discapacidade (igual ou superior ao 33%), vítimas de terrorismo ou de violencia de xénero: Gratuita    
   

 Máis información sobre ás ABAU (lugares de realización das probas, horarios dos exames, modelos de exames de anos anteriores, notas de corte...) premendo na imaxe:

CONVOCATORIA DE PREMIOS EXTRAORDINARIOS DE FP DE GRAO SUPERIOR CORRESPONDENTES AO CURSO 19 - 20

Persoas beneficiarias: alumnado que cursase estudos de Formación Profesional de grao superior (presencial ou a distancia) en Galicia no curso 2019 - 2020 e rematase en 2019 cunha cualificación final do ciclo formativo igual ou superior a 8,5.

Prazo de presentación de solicitudes: un mes a contar desde o día seguinte a súa publicación no DOG (12/04/2021)

 

A participación realizarase a través da plataforma premiosedu

 

Acceso ao texto íntegro da convocatoria premendo na imaxe:  

CONVOCADAS AS PROBAS LIBRES PARA A OBTENCIÓN DE TÍTULOS DE FP

Estas probas permiten ás persoas que as superen a obtención directa dun título de FP de grao medio ou superior. 

Prazo de presentación de solicitudes de matrícula: do 19 ao 30 de abril ás 13:00 hora

Enlace aos requisitos así como ás instrucións sobre o proceso de admisión

Enlace á oferta de prazas

Enlace ás instruciones sobre como realizar a solicitude vía web 

Enlace á plataforma ciclosadmision para realizar a solicitude (unicamente activa durante o prazo de presentación de solicitudes) 

Enlace ao texto íntegro da convocatoria

CONVOCADAS AS PROBAS PARA A OBTENCIÓN DOS CERTIFICADOS DE LINGUA GALEGA, NIVEIS CELGA 1, 2, 3 E 4 PARA O ANO 2021

PERSOAS DESTINATARIAS:

Maiores de 16 anos ou que os fagan no presente ano 2021

PRESENTACIÓN DE SOLICITUDES E PRAZO:

    As persoas que desexen inscribirse nas probas Celga deberán cubrir o formulario de solicitude que se publica como anexo I da orde de convocatoria (acceso premendo  na imaxe), e aboar a taxa correspondente.O formulario de solicitude estará dispoñible na sede electrónica da Xunta de Galicia, no enderezo https://sede.xunta.gal. As persoas interesadas deberán indicar nel a proba ou as probas ás que solicitan presentarse, así como a localidade, e dirixilo á Secretaría Xeral de Política Lingüística.

    O prazo de presentación das solicitudes, así como o de pagamento da taxa correspondente aos dereitos de exame, será de quince días, que se contarán a partir do día seguinte ao da publicación desta resolución no Diario Oficial de Galicia (18/03/2021). Se o último día do prazo é inhábil, entenderase prorrogado ao primeiro día hábil seguinte. 

    As solicitudes presentaranse preferiblemente por vía electrónica a través do formulario dispoñible na sede electrónica da Xunta de Galicia, https://sede.xunta.gal aínda que opcionalmente, poderanse presentar presencialmente en calquera dos lugares e rexistros establecidos na normativa reguladora do procedemento administrativo común. Para a presentación electrónica poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal/chave365).

    As persoas interesadas deberán achegar coa solicitude a seguinte documentación: 

a) Xustificante de pagamento da taxa

b) Copia do certificado de discapacidade expedido por unha Administración distinta da da Comunidade Autónoma de Galicia, se é o caso.

    Prema na imaxe para máis información:

 

CONVOCADAS AS PROBAS DE CERTIFICACIÓN DAS ENSINANZAS DE IDIOMAS PARA O CURSO 2020 - 2021

A consellería de Cultura, Educación e Universidade convoca as probas para a obtención dos certificados dos niveis básico A2, intermedio B1, intermedio B2, avanzado C1 e avanzado C2 de varios idiomas.

Prazo de matrícula: do 10 ao 26 de marzo

Procedemento de matrícula: online, no seguinte enderezo: https://www.informaticacentros.com/xunta/

Prema na imaxe para acceder á convocatoria:

 

ABERTO O PRAZO PARA SOLICITAR ADMISIÓN NOS CENTROS ESCOLARES PARA O VINDEIRO CURSO 2021 - 2020

DESTINATARIOS:

Alumnado das etapas de Educación Infantil, Educación Primaria, Educación Secundaria Obrigatoria e Bacharelato.

PRAZO:

 Do 1 ao 22 de marzo (ambos incluídos)

PROCEDEMENTO: 

As solicitudes de admisión poderán presentarse tanto de xeito telemático na aplicación ‘AdmisionAlumnado’ como de xeito presencial nos centros escolares que se elixan como primeira opción.

A publicación das listas provisionais de persoas admitidas e non admitidas realizarase antes do 25 de abril, e as definitivas antes do 15 de maio. Posteriormente abrirase o prazo de fomalización de matrícula, que será do 20 ao 30 de xuño para alumnado de Infantil e Primaria, e do 25 de xuño ao 10 de xullo para o de ESO e Bacharelato. Estes últimos contarán, ademais, cun prazo extraordinario de matrícula entre o 1 e o 10 de setembro.